ပဋိပက္ခအတွင်း လိင်အကြမ်းဖက်မှုများကို သတင်းရယူ ရေးသားခြင်း

မုဒိမ်းမှုသည်လူသားများကြုံတွေ့နိုင်သော စိတ်ထိခိုက်စရာအကောင်းဆုံးအတွေ့အကြုံများထဲကတခုဖြစ်သည်။ ရှင်သန်ကျန်ရစ်သူများသည်သူတို့ ၏အတွေ့အကြုံများအတွက် စကားလုံးများရှာတွေ့ရန်အခက်တွေ့ရသည့်အကြောင်းအရင်းများစွာရှိသည်။ သူတပါးမည်ကဲ့သို့တုန့်ပြန်မည် အကြောင်းရှက်ခြင်းနှင့်ကြောက်ခြင်းသည် လူများ၏စကားပြောနိုင်စွမ်းကို ပိတ်ပင်သည့်ကြီးမားသောအချက်များဖြစ်သည်။ စိတ်ဒဏ်ရာအကြောင်း ပြောခြင်းသည် စကားပြောရန် နာကျင်ပင်ပန်းလွန်းသော ပြင်းထန်သောခံစားချက်များကိုဖြစ်ပေါ်စေနိုင်သည်။ တိတ်ဆိတ်စွာနေခြင်းသည် တခါတရံတွင် အကောင်းဆုံးသောတုန့်ပြန်မှုဖြစ်သည်။

သို့သော်စိတ်ထိခိုက်ဖွယ်အခြေအနေများတွင် လူ့မှတ်ဉာဏ်၏လုပ်ဆောင်ပုံနှင့်ဆက်နွယ်နေသည့်အကြောင်းအရင်းအမျိုးမျိုးကြောင့် အရာ၀တ္ထု များအတွက် စကားလုံးများ ခက်ခဲနိုင်လေ့ရှိသည်။

ကျွန်ုပ်တို့တိုက်ခိုက်ခံရသည့်အခါ အန္တရာယ်လွတ်မြောက်ခြင်းအသွင်သို့ပြောင်းသွားသည်။ အမှတ်တရများကအများသောအားဖြင့်ရှင်းလင်းပြတ်သား စွာရှိနေသေးသော်လည်း ဦးနှောက်ကတော့ပုံမှန်အမိန့်ပေးသောပုံစံအတိုင်းမစစ်ထုတ်လိုက်ပါ။ (အခြေခံကျသောအန္တရာယ်လွတ်မြောက်ရေးစနစ်အား ဦးစားပေးနေခြင်းဖြစ်သည်။) မှတ်ဉာဏ်အပိုင်းပိုင်းအစစဖြစ်နေခြင်းနှင့် မှတ်ဉာဏ်စီစဉ်ဖွဲ့စည်းမှုကင်းမဲ့ခြင်းကဲ့သို့သောပြဿနာများကို လိင်ပိုင်းဆိုင် ရာတိုက်ခိုက်ခြင်းခံရသူများတွင် တွေ့နေကျဖြစ်သည်။ နားလည်သဘောပေါက်ရန်ခက်ခဲသော သမိုင်းဖြစ်စဉ်များတွင် ကွာဟချက်များ (သို့) ရှေ့နောက် မညီခြင်းများရှိနေလိမ့်မည်။ အချို့သောအရာများသည် ထူးခြားသောစွမ်းအားဖြင့်ပြန်လာနိုင်သော်လည်း အခြားအရာများသည်ဗလာနတ္တိ (သို့) အစက ပင်မှတ်ဉာဏ်ထဲမထည့်ထားပါ။ [a]

သတင်းထောက်ဖြစ်သောသင့်အတွက် လက်တွေ့ကျသောအသုံးအနှုန်းများတွင် ဤအဓိပ္ပာယ်မှာ –

• ရှင်သန်ကျန်ရစ်သူတယောက်သည်ဖြစ်ပျက်ခဲ့သောအရာများကို ပြည့်ပြည့်၀၀လိုက်လျောညီထွေစွာ (သို့) ကျိုးကြောင်း ဆီလျော်စွာ ပြောပြမည်ဟု မမျှော်လင့်သင့်ပါ။ ရှေ့နောက်မညီခြင်းသည် လှည့်စားရန်ရည်ရွယ်ခြင်း၏ သက်သေအထောက်အထား မဟုတ်ပါ။
• သင်၏သတင်းဇာစ်မြစ်သည် သူတို့ရိုးရှင်းစွာမဖြေရှင်းနိုင်သော ကွဲလွဲမှုမှန်သမျှကို သူတို့ကိုယ်တိုင်ရှင်းလင်းပေးရန်မျှော်လင့်းခြင်း သည်တရားမျှတမှုမရှိပါ။
• ရိုးရှင်းသောရှင်းလင်းချက်မေးခွန်အား တဖန်ပြန်မေးခြင်းကို ပေါ့ပါးစွာပြုမည်ဆိုပါက အဆင်ပြေလေ့ရှိပါသည်။ အကယ်၍တစုံ တယောက်သည် မှတ်မိရန်ကြိုးစားနေသည်ဟုသင်သိမြင်ပါက ဖိအားပေးပြီးအချက်အလက်များကို ထုတ်ဖော်ခြင်းမပြုပါနှင့်။ ကြီးစိုးနေသောအရာ၏ ပြန်လည်လွှမ်းခြုံခြင်းကိုခံရတတ်သည်။
• အဖြစ်မှန်စစ်ဆေးသူများနှင့်အယ်ဒီတာများစသည့်သင်နှင့်အတူလုပ်ဆောင်နေသောသူများလည်း ဤတားမြစ်ချက်များကိုသိထား ရန်လိုအပ်ပါသည်။

စိတ်ဖိစီးမှုကိုတုန့်ပြန်ခြင်း

စိတ်ဖိစီးမှုကိုကျွန်ုပ်တို့မျှော်လင့်ထားသောနည်းလမ်းဖြင့်မြင်တွေ့ရမည်မဟုတ်ပါ။ စိတ်လှုပ်ရှားခြင်းရှိပုံမရဘဲ ကြောက်စရာအကောင်းဆုံးအရာများအား အေးတိအေးစက်နိုင်သောလေသံဖြင့်ပြောသောသူများ (သို့) တချို့နေရာများတွင် ကြောင်တောင်တောင်နိုင်စွာရယ်မောခြင်းဖြင့် မိမိစိတ်ဖိစီးမှုကိုဖြေတတ် သောသူများလည်းတွေ့ရတတ်သည်။ ဤအရာများသည်ပုံမှန်ဖြစ်ပြီးမှတ်တမ်းတင်ထားသော စိတ်ဒဏ်ရာရပြီးနောက်တဦးချင်းတွင်ရှိတတ်သောတုန့်ပြန်မှု များဖြစ်သည်။ သင်နှင့်တွေ့ဆုံရသောသူတယောက်စီတိုင်းအားပွင့်လင်းစွာဆက်ဆံပြီး ဤအရာအတွက်အခုခုလုပ်ရန်လိုမည်ဟုအကြံမပြုမိရန်သတိပြုပါ။

အတိတ်အကြောင်းကိုပြောသောအခါတွင် သူတို့တိုက်ခိုက်ခြင်းခံရသောအချိန်၌ ခံစားရသောစိတ်ပိုင်းနှင့်ကာယပိုင်းအထိအတွေ့များကို ပြန်လည်တွေ့ကြုံ ရတတ်သည်။ ၎င်းသည် ပျော့ပျောင်းပြီးမသိသာဖြစ်နိုင်သည် (သို့) ထိုခံစားချက်များကိုသည်းမခံနိုင်တော့သည်အထိ ပြင်းထန်ကောင်းပြင်းထန်နိုင်သည်။

အကယ်၍တစုံတယောက်သည် အလွန်စိတ်လှုပ်ရှား၍စတင်ငိုကြွေးလာခြင်းစသည့် ပြင်းထန်သောတုန့်ပြန်မှုရှိပါက တခုခုကိုအလောတကြီးမလုပ်မိရန် မိမိအတွေးထဲတွင်အရှိန်လျှော့လိုက်ပါ။ ကင်မရာကိုအလျင်အမြန်ပိတ်လိုက်ခြင်း (သို့) တွေ့ဆုံမေးမြန်းခြင်းကိုရပ်နားလိုက်ခြင်းတို့သည် တစုံတယောက်သည် မိမိဤကဲ့သို့ခံစားချက်ရှိခြင်းသည် မှားသောအရာဖြစ်သည်ဟု မရည်ရွယ်ဘဲအလိုအလျောက် အရှက်ရသွားစေနိုင်ပါသည်။ အထူးသဖြင့် မထင်မှတ် ထားသောအချိန်တွင် ခြိမ်းခြောက်ခြင်းနှင့်မတည်ငြိမ်စေခြင်းတွေဖြစ်စေနိုင်သောကြောင့် ကာယအထိအတွေ့သုံးခြင်းကိုသတိထားရပါမည်။ သင်အစား ထိုးလုပ်နိုင်သောအရာများ –

• မိမိကိုယ်ကိုငြိမ်သက်စေခြင်း
• သူတို့တွင်ဤအရာဖြစ်ခဲ့သောကြောင့် သင်မည်မျှစိတ်မကောင်းဖြစ်ကြောင်းပြောပါ။
• ဤအရာသည်အခုမဖြစ်တော့ကြောင်းနှင့် သူတို့သည်သင်နှင့်အတူအခန်းထဲတွင် လုံခြုံစွာရှိနေကြောင်းသတိပေးပါ။
• ဤသို့သောအချိန်တွင် မည်သည့်အရာကသူတို့အတွက်အထောက်အကူဖြစ်လိမ့်မည်နည်း၊ တွေ့ဆုံမေးမြန်းခြင်းမှခတ္တနားလိုသလား၊ ဤကဲ့သို့ခံစားရသောအခါတိုင်းတွင်သူတို့မည်ကဲ့သို့လုပ်ဆောင်သနည်းဟုမေးပါ။