ይህ መመሪያ መነሻውን ያደረገው በግጭት በተጎዱ አገራት ከወሲባዊ ጥቃት እና ከስቃይ ጋር ተያያዥነት ያላቸው ዘገባዎችን በመስራት የካበተ ልምድ ያላቸው ጋዜጠኞች እና ፊልም ሰሪዎች ጋር በተደረገ ተደጋጋሚ ውይይት ነው።

በዚህ ስራ ላይ የተሳተፉ በአጠቃላይ በጎ አስተዋጽኦ ለማበርከት ከፍተኛ ፍላጎት አላቸው። ነገር ግን ሁላችንም አንድ ቦታ ላይ  ቆም ብለን ታሪካቸውን ለመንገር የምንፈልጋቸው ሰዎች ላይ በሚኖረን ተራክቦ ተጨማሪ ጉዳት አድርሰን ይሆን ስንል ጠይቀናል።

በግችት ውስት የወሲብ ጥቃት የደረሰባቸውን ግለሰቦች ቃለ መተየቅ ለማድረግ ቀዳሚዎቹ የመገናኛ ብዙለን ባልደረቦች ቢሆኑም
ስልጠናና ድጋፍ የሚያገኙት ግን አልፎ አልፎ ነው።

ይኹን እንጂ ስልጠናና እና ድጋፍ ለማግነት ግን ፍላጎት አለ። ይህ መመሪያ፤ በሲአርኤስቪ ላይ ለመስራት ፍላጎት ያለው ጋዜጠኛም ሆነ የፊልም ባለሙያ  ሊረዳው በሚችል፣ ስምንት ቁልፍ የክህሎት ክፍሎች መድቦታል። እነዚህ ስምንት ክፍሎች የተቀረፁት በጥልቀት እንዲነበቡ እንዲሁም በቀላሉ ለመከለስ እና ለባልደረባ ማጋራት እንዲቻል ተደርገው ነው። በተጨማሪም ተግባራዊ እንዲሆኑ እና መሬት ላይ ካለው እውነታ ጋር የተጣጣሙ እንዲሆኑ ታስቧል።

ይህ ለመገናኛ ብዙኀን ባልደረቦች በጋዜጠኞች የተዘጋጀው መመሪያ፣ ተከታታይ እና ሰፊ ከሆነ ውይይት በኋላ የተጻፈ ነው።

ይህንን መመሪያ በማዘጋጀት ሂደት ውስጥ የሲአርኤስቪ ተጠቂዎችን (የተወሰኑት አሁን የመብት አቀንቃኞች እንዲሁም በጉዳዩ ላይ ባለሙያዎች ናቸው) ፣ የስሜት ቀውስን የሚያክሙ ባለሙያዎች፣ የማህበረሰብ ሰራተኞች እና ጠበቆችን እንዲሁም የፎቶግራፍ ባለሙያዎች፣ ፊልም ባለሙያዎች እና ከፍተኛ አዘጋጆችን አማክረናል።

ይህ ጉዳይ ወሰብሰብ ያለ ነው። ይህ መመሪያ አንድ የመገናኛ ብዙኀን ባልደረባ የሚገጥሙዋቸውን ተግዳሮቶች በሙሉ አይዳስስም፤ እንዲሁም እኛ ባቀረብናቸው ሁሉም ምክረ ሃሳቦች እንደማይስማሙም ግልጽ ነው።

ይኹን እንጂ ሁለት እውነቶችን ለማስታረቅ በብርቱ ታግለናል። ቀዳሚው እነዚህ ጥቃቶች እንስካልተሰነዱ ድረስ የሚቆሙበት አንዳችም መንገድ የለም። ሁለተኛው ደግሞ ወሲባዊ ጥቃት የደረሰበት እያንዳንዱ ግለሰብ ታሪኩ የግሉ ነው፤ የእኛ አይደለም።