ဤလမ်းညွှန်ချက်များသည် ပဋိပက္ခ ကြုံတွေ့နေရသော နိုင်ငံများတွင် လိင်အကြမ်းဖက်မှုနှင့် နှိပ်စက်ညှင်းပမ်းမှုများကို ကိုင်တွယ်ထားသည့် သတင်းဇာတ်လမ်းများအပေါ် ပုံမှန်အလုပ်လုပ်ခဲ့ဘူးသည့် အတွေ့အကြုံရှိသော သတင်းသမားများနှင့် ရုပ်ရှင်သမားများ အကြား ဆွေးနွေးမှုများမှ ပေါ်ထွက်လာခဲ့သည်။

ဤအလုပ် လုပ်ကြသူတိုင်းတွင် အကောင်းဆုံးသော စိတ်စေတနာရှိကြသည်။ သို့ရာတွင် အချို့သောအဆင့်တွင် ကျွန်ုပ်တို့အားလုံး၏ လုပ်ဆောင်မှုသည် မိမိတို့ဇာတ်လမ်း ပြောပြရန် ကြိုးစားနေသူများအား နောက်ထပ်အန္တရာယ် သက်ရောက်မှုရှိမရှိ မိမိကိုယ်ကို မေးခွန်းထုတ်ကြသည်။

သတင်းသမားများသည် ပဋိပက္ခအခြေအနေများတွင် လိင်အကြမ်းဖက်မှုမှ ရှင်သန်ကျန်ရစ်သူများထံသို့ ပထမဆုံး သွားရောက်တွေ့ဆုံမေးမြန်းသောသူများ ဖြစ်လေ့ရှိသော်လည်း သင်ယူမှုနှင့် ပံ့ပိုးမှု တစုံတရာရရှိရန် ခက်ခဲကြပါသည်။

ထို့ကြောင့် ဤအရင်းအမြစ်ကို လိုအပ်ပါသည်။ ဤလမ်းညွှန်ချက်များသည် သတင်းထောက်တိုင်း (သို့မဟုတ်) CRSV အတွက် ရုပ်ရှင်ရိုက်ကူးသူတိုင်း နားလည်ရန်လိုအပ်သည့် အဓိက ကျွမ်းကျင်မှု နယ်ပယ် ရှစ်ခုအထိ ခွဲခြားဖော်ပြထားပါသည်။ ဤအဆိုပြုချက် ၈ ချက်ကို နက်ရှိုင်းစွာဖတ်ရှုပြီး လုပ်ဖော်ကိုင်ဖက်များနှင့် အမြန်ပြန်လည် ပြင်ဆင်ခြင်းနှင့် မျှဝေခြင်းတို့ကို ပြုနိုင်သည့်ပုံစံဖြင့် ဒီဇိုင်းထုတ်ထားပါသည်။ ၎င်းတို့သည် လက်ရှိအမှန်ဖြစ်ပျက်နေသော အရာများကဲ့သို့ လက်တွေ့ကျပြီး စိတ်ဝင်စားစရာကောင်းရန် ရည်ရွယ်ထားပါသည်။

ဤအရာများကို သတင်းသမားများအတွက် သတင်းသမားများက ရေးထားသော်လည်း ပိုမိုကျယ်ပြန့်စွာ ဆွေးနွေးခြင်းများထဲက ထွက်လာသော ရလဒ်များဖြစ်ပါသည်။ ဤအရာများကို ရေးသားရာတွင်၊ CRSV ၏ ရှင်သန်ကျန်ရစ်သူများ (အချို့သည်တက်ကြွလှုပ် ရှားသူများဖြစ်ပြီး၊ အားလုံးသည် ကျွမ်းကျင်သူများ ဖြစ်သည်)၊ စိတ်ဒဏ်ရာကု ဆရာဝန်များ၊ လူမှုဝန်ထမ်းများ၊ ရှေ့နေများ၊ ဓါတ်ပုံဆရာများ၊ ရုပ်ရှင်ရိုက်ကူးရေး သမားများ၊ သတင်းထောက်များ၊ အယ်ဒီတာများနှင့် တိုင်ပင်ခဲ့ပါသည်။

ဤအရာသည် ရှုပ်ထွေးသောဧရိယာ ဖြစ်ပါသည်။ ဤလမ်းညွှန်ချက်များသည် သတင်းသမားတိုင်း၏ တွေ့ကြုံရမည့် အခြေအနေတိုင်းအတွက် လုံလောက်မည်မဟုတ်ပါ။ နောက်ပြီး ကျွန်ုပ်တို့၏ အကြံပြုချက် အားလုံးကိုလည်း လူတိုင်းသဘောတူလိမ့်မည် မဟုတ်ပါ။

မည်သို့ပင်ဖြစ်လင့်ကစား၊ အမှန်တရားနှစ်ခုကို ဟန်ချက်ညီဖို့ ကြိုးစားခဲ့ကြပါတယ်။ ပထမအချက်မှာ ဤအကြမ်းဖက်လုပ်ရပ်များကို မှတ်တမ်းမတင်ထားပါက၊ သူတို့ရပ်တန့်သွားရန် အခွင့်အလမ်းမရှိပါ။ ဒုတိယအချက်ကတော့ လိင်အကြမ်းဖက်မှုနှင့် ပတ်သတ်လာပါက ရှင်သန်ကျန်ရစ် သူတိုင်း မိမိဇာတ်လမ်းကို မိမိပိုင်ကြပါသည် – ကျွန်ုပ်တို့မပိုင်ပါ။