ကျွန်ုပ်တို့၏အလုပ်သည် ရှင်သန်ကျန်ရစ်သူများ၏ဘ၀ကိုမည်သည့်အတိုင်းအတာအထိ ပြန်လည်တုံ့ပြန်နိုင်ကြောင်းကိုမကြာခဏလျစ်လျူရှုထားခြင်းက သူတို့ မည်ကဲ့သို့ပြန်လည်ကောင်းမွန်လာသည် ဆိုသည့်အရာအပေါ်ကိုပင် သက်ရောက်မှုရှိနိုင်ပါသည်။

CRSV သည်စိတ်ပိုင်းဆိုင်ရာမြင့်မားသောအဆင့်များသာမက ရုပ်ပိုင်းဆိုင်ရာထိခိုက်မှုနှင့်လည်း ဆက်စပ်နေပါသည်။ လိင်ပိုင်းဆိုင်ရာစိတ်ဒဏ်ရာ၏ နောက်ဆက်တွဲဆိုးကျိုးများသည် ဤအရာများမဖြစ်ပျက်ခင်က သူတို့ကိုယ်တိုင်နှင့် (သို့) သူတပါးနှင့်သီးခြားဖြစ်နေသည်ဟုခံစားရသော အဆက် အသွယ်ပျက်သွားသည့်ပြင်းထန်သောခံစားချက်များကိုယူဆောင်လာခြင်းဖြစ်သည်။ CRSV ၏ ပိုမိုကျယ်ပြန့်သော အသိုင်းအ၀ိုင်းနှင့်အဆက်အသွယ် ဖြတ်နိုင်စွမ်းသည် ရှင်သန်ကျန်ရစ်သူများကိုသီးခြားခွဲထွက်သွားစေနိုင်ပြီး ထောက်ပံ့မှုအတွက်အခွင့်အလမ်းများလျော့နည်းသွားစေနိုင်ပါသည်။

သို့သော်ငြားလည်း၊ ပြန်လည်ကောင်းမွန်လာခြင်းသည် အများသောအားဖြင့် ဤဖြစ်ရပ်နှင့် ပြောင်းပြန်ဖြစ်ဟန်တူသည်။ အခြားသူများက မိမိတို့ကိုတဖန် ပြန်လည်ကြည့်ရှုစောင့်ရှောက်နိုင်ပြီး ဂရုတစိုက်ဖက်တွယ်ထားနိုင်သည်ဟု ယုံကြည်လာသောအခါ လူ့အသိုင်းအဝိုင်းတွင် ပြန်လည် ဝင်ဆန့်ခြင်း ဖြစ်လာသည်။

တဦးချင်းစီကိုကုသပေးရန်မှာ မီဒီယာသမားများ၏ အခန်းကဏ္ဍမဟုတ်ပါ – နောက်ပြီးကျွန်ုပ်တို့၏လုပ်ဆောင်ခြင်းသည် ရှင်သန်ကျန်ရစ်သူများကို တိုက်ရိုက်ပုဂ္ဂိုလ်ရေးနည်းလမ်းဖြင့် ကူညီပေးနိုင်စွမ်းရှိလိမ့်မည်ဟုယူဆခြင်းသည် ပညာမဲ့ခြင်းနှင့်မောက်မာခြင်းနှစ်ခုစလုံးဖြစ် လိမ့်မည် – သို့သော်ကျွန်ုပ်တို့သည် ထိုသို့ အထီးကျန်ဆန်နေခြင်းကို တမင်သက်သက်မဟုတ်ပဲ ပိုမိုဆိုးရွားသွားအောင် မလုပ်မိစေရန် ဂရုစိုက်ရမည်။ အရှေ့အာဖရိက တွင်အလုပ်လုပ်သော အမေရိကန် သတင်းထောက် Jina Moore ကဤကဲ့သို့ပြောပါသည် –

ရက်ပိုင်းအတွင်း၊ လပိုင်းအတွင်း၊ တနှစ်အတွင်းတွင် သူတို့အားအံ့အားသင့်စေမည့်၊ ကသိကအောက်ဖြစ်စေမည့်၊ အရှက်ရစေမည့်၊ အန္တရာယ် ဖြစ်စေမည့်အရာများကို ကျွန်ုပ်တို့ထုတ်လွှင့်မည့် သတင်းများထဲတွင်မပါရှိကြောင်းသေချာစေပါ။ သူတို့နဲ့ပတ်သတ်ပြီးကမ္ဘာကြီးက ဘာတွေသိလာမယ် ဆိုတာကို သူတို့သေချာစေဖို့ ရှင်သန်ကျန်ရစ်သူနှင့်အတူ စိတ်ဒဏ်ရာဖြစ်စေသော ဖြစ်ရပ်ရဲ့ အသေးစိတ် အချက်အလက်တွေကို သေချာစွာ ထပ်လောင်း ပြောပြပါ။ [a]

ပရိတ်သတ်များထံသို့ပေးပို့သော သတင်းစကားများသည်လည်း ဤနေရာတွင်အရေးပါသောအခန်းကဏ္ဍမှ ပါဝင်နေပါသည်။ လိင်ပိုင်းဆိုင်ရာစိတ် ဒဏ်ရာအကြောင်းဆွေးနွေးမှုတိုင်းတွင် ဒဏ္ဍာရီပုံပြင်များ၊ ကဲ့ရဲ့ရှုတ်ချမှုနှင့် အသုံးမဝင်သောပုံစံခွက်များအဖြစ် အသွင်ပြောင်းလဲလိုကြသည်။ သတင်းထောက်များနှင့်ရုပ်ရှင်ရိုက်ကူးသူများသည် ဤကိစ္စတွင် ကြားနေရပ်ကြည့်သူများမဟုတ်သောကြောင့် ဤအရာများကို ခိုင်မာစွာစွဲယူထား ခြင်း (သို့) မဟုတ်မှန်ကြောင်းဖွင့်ချခြင်း တခုခုလုပ်နိုင်သည်။

ထို့ကြောင့် ပဋိပက္ခ၏ နိုင်ငံရေး၊ စီးပွားရေးနှင့် ယဉ်ကျေးမှုဆိုင်ရာ အခြေအနေ တစ်စုံလုံးကို ပြည့်ဝစွာ ဖော်ပြကိုင်တွယ်ရန် အလွန် အရေးကြီးပါသည်။

ဇာတ်လမ်း၏ထောင့်တနေရာတွင်လမ်းပျောက်နေခြင်း၏အန္တရာယ်

CRSV သည်ပုံစံအမျိုးမျိုးနှင့်လာသော်လည်း ၎င်း၏ဖမ်းစားနိုင်စွမ်းအရှိဆုံးသောအသွင်အပြင်မှာ ထုံးစံအတိုင်း ၎င်း၏ရက်စက်ကြမ်းကြုတ်မှုဖြစ်သည်။ ဤ ခေါင်းစဉ်အပေါ်တွင်လုပ်ဆောင်နေသော ရုပ်ရှင်ရိုက်ကူးသူ (သို့) သတင်းထောက်တယောက်သည် ပရိတ်သတ်များ အာရုံစိုက်လာစေမည်ဟုမျှော်လင့်ပြီး သူတို့ ကြားခဲ့ရသော အကြောင်းအရာများထဲမှ  အဆိုးဆုံးများဖြင့် သူတို့ကိုထိတ်လန့်တုန်လှုပ်စေချင်သည့် ပြင်းထန်သည့် ဆန္ဒမျိုးရှိမည်ကို အပြည့်အ၀နားလည်နိုင်ပါသည်။

သို့သော် ဤနေရာတွင်ရှိသည့်အန္တရာယ်ကတော့ ဤအရာသည်ပြောင်းပြန်ဖြစ်သွားနိုင်ခြင်းဖြစ်သည်။ လိင်အကြမ်းဖက်မှု၏ကြောက်မက်ဖွယ်ရာနှင့် အသေး စိတ်အချက်အလက်များကို အလွန်အာရုံစိုက်ခြင်းသည် ပရိတ်သတ်များက CRSV ကြောင့်ခံစားနေရသောသူများအပေါ် စာနာထောက်ထားစိတ်ကိုပင်လျော့ နည်းသွားစေနိုင်သည်။ အကယ်၍သင်သည် အကြောင်းရင်းဖြစ်သော အချက်အလက် များကိုလုံလောက်စွာမပေးပါက ပရိတ်သတ်များသည် ဤရာဇဝတ်မှုများ၏သဘောသဘာ၀နှင့်အန္တရာယ်ရှိသည့်အရာများကို နားမလည်ကြပါ။

အီဂျစ်တွင် ဇွဲရှိစွာဖြင့် လိင်ပိုင်းဆိုင်ရာအကြမ်းဖက်မှုနှင့် အစိုးရ၏ရှုပ်ထွေးသောအခန်းကဏ္ဍကိုစူးစမ်းရှာဖွေခဲ့သောဒုစရိုက်အတွက် အသံလွင့်အစီအစဉ် တခုတွင်အလုပ်လုပ်နေသော Stephanie Kariuki အတွက် ဤဆုံးဖြတ်ချက်များသည် ဂရုစိုက်မျှတမှုလိုအပ်သည်။

ဤနေရာကိုမည်မျှရောက်ချင်သလဲဆိုသည့်အသေးစိတ်ကိုပြောရာတွင် စကားအသွားအပြန်များစွာရှိခဲ့သည်။ အသေးစိတ်အချက်များကိုပေးရန် အမှန်တကယ်လိုအပ်သလား။ အမျိုးသမီးတဦး၏အမှုတွင်၊ ဆေးဘက်ဆိုင်ရာစစ်ဆေးသူများက သူမအား နေရာအတော်များများတွင်ထားခဲ့ပြီး အဝတ်အစားမဲ့လျက် သူမ၏ မိန်းမကိုယ်အားထပ်ခါတလဲလဲစစ်ဆေးခဲ့ခြင်းဖြင့် သူမအားမူလမတော်မတရားပြုမူခြင်းကို ရောင် ပြန်ဟပ်စေခဲ့သည်။ ကျွန်ုပ်တို့အသုံးပြုခဲ့သောနောက်ဆုံးအသံကတော့ အသေးစိတ် ဆန်လွန်းပါသည်။ သို့သော်လည်း ဆယ်စုနှစ်ပေါင်းများစွာ အစိုးရက ဤကဲ့သို့ တွေ့ကြုံခံစားခဲ့ရသည့် အမျိုးသမီးများကို မည်သို့ လုပ်ဆောင်ကိုင်တွယ်နေသည်ကို ဖော်ပြလိုခြင်းကြောင့် ထည့်သွင်းရခြင်း ဖြစ်ပါသည်။  [b]

အမှန်ဆိုရလျှင် စိတ်ဒဏ်ရာနှင့်ပတ်သတ်၍ ထိရောက်စွာရေးသားရာတွင် တင်းမာမှုရှိစေသည့်ပြဿနာများကိုမည်သို့ဟန်ချက်ညီစေရမည်ကို တန်ဖိုးထားရန် လိုသည်။ ဥပမာ၊ –

• CRSV သည် မည်မျှသော နာကျင်ခြင်း၊ ခိုကိုးရာမဲ့ခြင်းနှင့် ထိန်းချုပ်မှုဆုံးရှုံးခြင်းများအား လူများ၏ အသက်တာတွင်းသို့ယူဆောင်လာခဲ့ ပါသနည်း။ လွတ်မြောက်လာရန် ခုခံမှုနှင့်ပြန်လည်ကောင်းမွန်လာခြင်းကို မည်မျှယူခဲ့ရပြီး မည်မျှထပ်မံယူရမည်နည်း။

အခြေအနေများမည်သို့ပင် ခက်ထန်ဆိုးရွားသလိုရှိစေကာမူ၊ ရှင်သန်ကျန်ရစ်သူများ၏အသက်တာထဲတွင် အပြုသဘောဆောင်သောအရာများဖြစ်နေပါသည်။ ကြောက်ရွံ့ဖွယ်ကောင်းပြီ လုပ်ဆောင်နိုင်စွမ်းမရှိခြင်းသက်သက်ကိုသာ ပြန်လည်သုံးသပ်ခြင်းသည်တိကျမှန်ကန်မှုမရှိ (သို့) အထောက်အကူမပြုပါ။

• အထူးသဖြင့် နိုင်ငံရေးနှင့်လူမှုရေးအခြေအနေနှင့်ပတ်သတ်၍ တဦးချင်းကိုယ်ပိုင်အတွေ့အကြုံနှင့်ပို၍ကျယ်ဝန်းသောအကြောင်း အရင်းများမည်မျှရှိသနည်း။

အကယ်၍ပိုမိုကျယ်ပြန့်သောအကြောင်းအရင်းကိုအာရုံမစိုက်ပါက လူများစိတ်ဝင်စားသောဇာတ်လမ်းသည် ထူးဆန်းပြီးစိတ်အနှောင့်အယှက်ဖြစ်စေသော၊ ရည်ရွယ်ချက်မရှိသော ဇာတ်လမ်းဖြစ်သွားနိုင်ပြီး ပရိတ်သတ်များအားမည်သည့်အရာများဖြစ်ပျက်နေကြောင်း (သို့) ဖြေရှင်းချက်များတည်နေရာကိုအနည်း ငယ်သာနားလည်စေနိုင်မည်ဖြစ်သည်။ ပဋိပက္ခကိုလှုံဆော်ပေးသောအင်အားစုများကိုရည်ညွှန်းခြင်းမရှိပါက “စစ်ပွဲတွင်းမုဒိမ်းမှု” သည်နားလည်နိုင်သော ခေါင်းစဉ်မဟုတ်သကဲ့သို့ CRSV သည် လက်တွေ့နှင့်ကင်းကွာပြီးမဖြစ်လာပါ။

သို့ရာတွင် လူပုဂ္ဂိုလ်များနှင့် သူတို့၏ ပုဂ္ဂိုလ်ရေးဆိုင်ရာ အခြေအနေများကို ဂရုစိုက်မှု နည်းပါးလွန်းခြင်းသည်လည်း တစ်စုံတစ်ယောက်အား ကိန်းဂဏန်းတစ်ခုကို ဖော်ပြရန် သက်သက် ထည့်သွင်းထားသကဲ့သို့ ဖြစ်စေနိုင်သဖြင့် မလေးစားရာ ရောက်နိုင်ပါသည်။

အပြိုင်ရှိနေသော တင်းမာမှုများကိုစေ့စပ်ညှိနှိုင်းခြင်း

အမှုတခုစီတိုင်းသည်မျှတစွာတိုင်းတာမှုအမျိုးမျိုးလိုအပ်ပါသည်။ ၎င်းကို ရှင်းလင်းစွာကြည့်မြင်နေခြင်းသည် အကြမ်းဖက်မှု၏ဖမ်းစားနိုင်သောအကျိုး သက်ရောက်မှုနှင့်ရှုပ်ထွေးစေနိုင်ပြီး ကျန်ရှိသောအရာများနှင့်မသက်ဆိုင်ပုံရသောနေရာသို့ဆွဲခေါ်သွားနိုင်သည်။ ခြိမ်းခြောက်မှုသည် အမှားအမှန်ခွဲခြား စဉ်းစားခြင်းကို မြှင့်တင်ပေးလေ့ရှိသော စိတ်ဒဏ်ရာဆိုင်ရာအကြောင်းအရာဖြစ်သည် – အသေးစိတ်အချက်အလက်များ (သို့) ကန့်သတ်ထားသော ထောင့်များတွင်ကပ်ငြိသွားရန်လွယ်ကူလွန်းသည်။

ဤသည်မှာရေးသားသည့်အခါ (သို့) တည်းဖြတ်ခြင်းတွင် ထည့်သွင်းစဉ်းစားရမည့် စာရင်းတို တစ်ခုဖြစ်သည် –  

• ၄င်းသည် ကာယပိုင်း (သို့) အတွင်းရေးကျသောသဘောသဘာ၀၏ကွက်ကွက်ကွင်းကွင်းဖော်ပြချက်အဖြစ် လမ်းလွဲသွားပါသလား။
• လိင်ပိုင်းဆန်ဆန်ဖော်ပြချက်သည် အန္တရာယ်ရှိစေပြီး မတရားကျင့်မှုကို မရည်ရွယ်ဘဲအလိုအလျောက် အားပေးလှုံဆော်မှုပေးသော တယောက်ယောက်၏ကိုယ်ခန္ဓာ၊ အသွင်အပြင်၊ ဝတ်စားဆင်ယင်မှုစသည့်အရာများအတွက်ရည်ညွှန်းချက်ရှိပါသလား။
• ကျွန်ုပ်၏ပုံပြင်သည် လူတဦး (သို့) အသိုင်းအ၀ိုင်းတခု၏အနာဂတ်ပျက်စီးမှုကိုကြိုတင်ခန့်မှန်းပါသလား။ အခြေအနေများမည်သို့ပင် ဆိုးရွားနေပါစေ၊ ပြန်လည်ကောင်းမွန်လာရန်မဖြစ်နိုင်ဟုသွယ်ဝိုက်ပြောနေခြင်းသည်တိကျမှန်ကန်မှုမရှိဘဲ ထိခိုက်နစ်နာစေနိုင်ပါသည်။ (သင်သည် အမှောင်ထုနောက်ကွယ်မှအရာမျာကိုမြင်ရန်ခက်ခဲနေပါက ဤမတရားပြုမှုနောက်ကွယ်မှလူသည်မည်သူနည်းဟုသင့်ကိုယ် သင်မေးပါ။ သူတို့သည်မည်သည့်နေရာမှသတ္တိနှင့်ထောက်ပံ့မှုရရှိပါသနည်း။)
• တနည်းအားဖြင့်၊ ကျွန်ုပ်သည်ဆန့်ကျင်ဘက်လမ်းကြောင်းတွင်အလွန်ဝေးကွာစွာလမ်းလွဲပြီး ဆိုးရွားသောအခြေအနေကိုဟန်ဆောင် ပေါ့ပါးစေရန် အကောင်းမြင်ဝါဒအတု၏လေသံကိုထိုးသွင်းနေသလား။ တိကျမှန်ကန်မှုနှင့်သိသာထင်ရှားသောပြဿနာအပြင်၊ လုပ် ဆောင်ခွင့်များကိုချဲ့ကားပြောဆိုသော သတင်းပညာရပ်သည် ဖော်ပြချက်ထဲမှမိမိအခြေအနေကိုမမှတ်မိသောသူများကိုကင်းကွာစေ နိုင်ပါသည်။
• အကယ်၍ကျွန်ုပ်၏တင်ဆက်မှုတွင်ပြစ်မှုကျူးလွန်သူများနှင့်ရှင်သန်ကျန်ရစ်သူများနှစ်ဦးစလုံး၏အသံများပါဝင်ပါက၊ ကျွန်ုပ်၏ ဇာတ် လမ်းပြုပြင်ခြင်း၌ မတရားပြုကျင့် သူ၏ရှုထောင့်များကိုဗဟိုပြုသော (သို့) သူတို့၏လုပ်ဆောင်နိုင်စွမ်းကိုဖောင်းပွစေသောအရာတစုံ တခုရှိပါသလား။ (ဤအရာကိုမှန်ကန်စွာလုပ်ဆောင်ခြင်းသည်ရှုပ်ထွေးသောအရာဖြစ်သည်။ ဤအသံများကိုကွဲပြားသောအစီအရင်ခံ ချက်တွင်ခွဲခြားထည့်လိုက်ခြင်းသည် ပို၍ရိုးရှင်းသွားနိုင်သည်။)
• ကျွန်ုပ်မှတ်တမ်းသည်ပဋိပက္ခအတွင်း၌ လူများခံစားနေရသောအခြားသောစိတ်ဒဏ်ရာများကိုထုတ်ပယ်ရန်အတွက် မုဒိမ်းမှုအပေါ် အာရုံစိုက်ပါသလား။ လူများသည်မိမိတို့၏ဆွေမျိုးများအသတ်ခံရပြီး မိမိတို့၏အိမ်များနှင့်အသက်မွေးဝမ်းကျောင်းလုပ်ငန်းများဆုံးရှုံး သွားသည်ကိုတွေ့မြင်ရခဲ့ပေမည်။ သူတို့သည်ဘ၀သစ်များကိုကြိုးစားတည်ဆောက်နေသောဒုက္ခသည်များဖြစ်ပေမည်။ ဤအရာများ အားလုံးသည်လူများအတွက်အရေးပါပြီး၊ ရှင်သန်ကျန်ရစ်သူများသည် သတင်းထောက်များကသူတို့ဆုံးရှုံးမှုများကိုရှုထောင့်တခုတည်း ကသာအာရုံစိုက်နေခြင်းကိုနားမလည်နိုင်ပါ။