ပဋိပက္ခအတွင်း လိင်အကြမ်းဖက်မှုများကို သတင်းရယူ ရေးသားခြင်း

တွေ့ဆုံမေးမြန်းခြင်းခံသောသူ၏ သဘောတူညီချက်ရယူခြင်းအတွက် စံသတင်းထောက်ပုံစံသည် သတင်းထောက်များက လူထုတွင်းရှိအထင်ကရဖြစ်သူ များကိုတွေ့ဆုံမေးမြန်းခြင်းအခြေအနေများမှ အရင်းခံဖြစ်ပေါ်လာပါသည်။ ဤသူများသည် မိမိပြုရမည့်အရာတခုတွင် သတ်မှတ်ထားသောစည်းမျဉ်းများ ကိုနားလည်သောအခွင့်အာဏာရှိသူများဖြစ်လေ့ရှိသည်။ ဝင်ရောက်ခွင့်ကိုရယူပြီး နိုင်ငံရေးသမား (သို့) စီးပွားရေးသမားကိုပြောနိုင်သမျှပြောစေရန်အဓိက အာရုံစိုက်ရမည်ဖြစ်ပြီး၊ ဖြစ်နိုင်ပါကသူတို့၏နာမည်နှင့်မှတ်တမ်းကိုပူးတွဲဖော်ပြရပါမည်။

သတင်းဇာစ်မြစ်နှင့်သတင်းထောက်ကြားမှ တတ်နိုင်စွမ်းဟန်ချက်ပြောင်းပြန်ဖြစ်သွားသည်နှင့်အမျှ အားနည်းသောပံ့ပိုးကူညီသူနှင့်လုပ်ဆောင်သည့်အခါ ထိုပုံစံသည်မလျော်ကြောင်းသိသာထင်ရှားပါသည်။ ထို့အပြင်၊ CRSV အခြေအနေများတွင် ပထမဆုံးမှတ်ယူရမည်မှာ သတင်းဇာစ်မြစ်၏အမည်မဖော် လိုခြင်းကို ကာကွယ်ပေးခြင်းဖြစ်ပါသည်။ ရှင်သန်ကျန်ရစ်သူသည် လူထုအားပြောပြရန်တာဝန်ရှိသည်ဟု သက်မှတ်ထားသောအရာများကို ဘေးဖယ်ထား ရမည်ကိုဆိုလိုပါသည်။

အဆင့်တခုတွင်ဤအရာသည် သိသာထင်ရှားပါသည်။ သတင်းထောက်တိုင်းသိထားသင့်သည်။  အခြားအဆင့်တွင်၊ နိုင်ငံရေးစံနမူနာ၏လုပ်ထုံးလုပ်စဉ် သည်နက်ရှိုင်းစွာအမြစ်တွယ်နေပြီးသတင်းထောက်များကိုဆုပ်ကိုင်ထားနိုင်ဆဲဖြစ်သည်။ သင်သည် CRSV အကြောင်းကိုအစီရင်ခံနေသည်ဆိုပါက၊ ခေတ္တ ရပ်ပြီးအဓိပ္ပာယ်ပြည့်၀သောသဘောတူညီချက်ဟုခေါ်နိုင်သော အခြားနေရာမှစတင်နေကြောင်းသေချာစေပါ။

1. ၁။ ပထမဦးစွာ အသိပေးထားသောသဘောတူညီချက်သည် ဝင်ရောက်ခွင့်ရရန်နှင့် တစုံတယောက်ကတွေ့ဆုံမေးမြန်းခံရန်သဘောတူညီချက် အတွက်အဓိကဖြစ်သည်ဟူသော အတွေးအခေါ်ကိုဘေးဖယ်ထားပါ။ ထိုသို့မဟုတ်ပါ။ ၎င်းသည် မြင့်မားသောအရဲစွန့်ခြင်းများပါရှိသော အပြန်အလှန်လုပ်ဆောင်မူအတွက် ပိုမိုလုံခြုံသောအခြေခံကိုမည်ကဲ့သိုတည်ဆောက်နိုင်ကြောင်း စူးစမ်းလေ့လာခြင်းအကြောင်းဖြစ်သည်။ အကယ်၍ တယောက်ယောက်ကစိတ်ပြောင်းသွားပြီး စကားမပြောချင်ကြောင်းဆိုတာသိသာထင်ရှားနေသည်ဆိုပါက ထိုအရာကိုရလဒ် ကောင်းအဖြစ်ခံယူလိုက်ပါ။ အစမ်းသရုပ်ဆောင်ခြင်းထဲကကဲ့သို့ပင်၊ သူတို့သည်ဤအခန်းကဏ္ဍအတွက်မသင့်တော်ကြောင်းဆိုလိုပါသည်။
2. ၂။ ဒုတိယအနေဖြင့်၊ သဘောတူညီချက်ရယူခြင်းသည် တကြိမ်တည်းလုပ်ဆောင်ချက် သို့မဟုတ် စကား၀ိုင်းတခု၏အစတွင်သာ ဖြစ်ပေါ်လာသည့် အလုပ်သဘောတရားဝင်ပုံစံသာ မဟုတ်ပါ။ ၎င်းသည် ဆက်လက်လုပ်ဆောင်နေသည့်လုပ်ငန်းစဉ်တခုဖြစ်ပြီး၊ သီးခြားအသေးစိတ်အချက်များ ပေါ်အစီရင်ခံပိုင်ခွင့် (သို့) စကား၀ိုင်းတခုလုံးတွင်ပင် တကြိမ်ထက်မကပြန်လည်သုံးသပ်ခဲ့သော ညှိနှိုင်းဆွေးနွေးမှုတခုဖြစ်သည်။

လိင်အကြမ်းဖက်မှုကဲ့သို့ အတွင်းရေးကျသောအရာများအကြောင်းကိုပြောရန် တစုံတယောက်အား ဘယ်သောအခါမျှ ဖိအားပေးခြင်း (သို့) ခြယ်လှယ်ခြင်း မပြုပါနှင့်။ ၎င်းသည်လွတ်လပ်ပြီး စစ်မှန်သောအသိပေးရွေးချယ်မှုဖြစ်ရပါမည်။

မည်သူသည်သဘောတူညီမှုကိုပေးနိုင်မည်နည်း?

သင့်အားသဘောတူညီမှုကိုပေးနိုင်သောတဦးတည်းသောသူမှာ သင်၏သတင်းဇာစ်မြစ်ဖြစ်သည်။ အကယ်၍ထိုသူသည် ကလေး (သို့) အပြည့်အ၀ ဆုံးဖြတ်ချက်ချရန်အနေအထားမရှိသော တစုံတယောက်ဖြစ်ပါက၊ မိဘ (သို့) အုပ်ထိမ်းသူ၏ ထပ်မံသဘောတူညီချက်ကို လိုပါလိမ့်မည်။

သို့သော်မည်သည့်အခြေအနေတွင်မဆို၊ သင်တွေ့ဆုံမေးမြန်းမည့်သူထံမှ လေးနက်သောသဘောတူညီမှုမရှိပါက – သင့်တွင်သဘောတူညီချက်မရှိပါ။ တွေ့ဆုံမေးမြန်းခံရန်အဆင်သင့်ဖြစ်သည်ဟူသော ဆွေမျိုး၊ ရှေ့နေ၊ ပွဲစား၊ NGO မှကြားခံတဦး၏စကားသည် သဘောတူညီချက်မဟုတ်ပါ။ သတင်း ဇာစ်မြစ်နှင့်တိုက်ရိုက် ညှိနှိုင်းဆွေးနွေးခြင်းဖြစ်ရပါမည်။

အကယ်၍ဘာသာပြန်တယောက်နှင့်လုပ်ဆောင်ပါက၊ သတင်းဇာစ်မြစ်နှင့်သူတို့၏စကားဝိုင်းသည် သင်နှင့်ပြောသောအရာအမှန်တကယ်ဖြစ်ကြောင်း သေချာစေရပါမည်။ သတင်းထောက် Jina Moore ဖော်ပြချက်အရ ဤအရာသည် စိတ်အနှောင့်အယှက်ဖြစ်စေနိုင်သည်။ ထပ်လောင်းကြိုးစားရန် လိုလိမ့်မည်။ သင်၏ဘာသာပြန်သူကိုပြောရမည်မှာ –

“အကြိမ်ကြိမ်ပြောရလို့တောင်းပန်ပါတယ် ဒါပေမယ့် ကျွန်တော်ဘယ်သူလဲ၊ ကျွန်တော် ဒီမှာဘာလုပ်နေလဲဆိုတဲ့ရည်ရွယ်ချက်ကိုရှင်းရှင်း လင်းလင်း သိစေချင်တယ်။” “သူ့ကိုအဲ့ဒါမေးပြီးပြီ” လို့ဘာသာပြန်ကပြောရင်၊ “အဲ့ဒီအတွက် ကျေးဇူးတင်တယ် ဒါပေမယ့် ကျွန်တော့်အလုပ်ရဲ့စည်းမျဉ်းစည်းကမ်းအရ ကျွန်တော်သူ့ကိုကိုယ်တိုင်တိုက်ရိုက်မေးဖို့လိုတယ်။ အဲ့ဒါကြောင့် အပန်းမကြီးဘူးဆိုရင် နောက်တခေါက်အတည်ပြုနိုင်ဖို့အတွက် ကျွန်တော်ပြောတာကိုဘာသာပြန်ပေးပါ။” [a]

ပါဝါအရွှေ့အကြောင်းကိုမြင်ရဖို့ခက်နေမှာဖြစ်ပြီး ရှင်သန်ကျန်ရစ်သူများ စကားပြောရန်သိပ်စိတ်မဝင်စားသောအချိန်တွင် စိတ်ဖိစီးမှုအောက် ရောက်ကောင်းရောက်နိုင်သည်။ သတင်းထောက်တယောက်အနေဖြင့် တစုံတယောက်သည်သဘောတူညီမှုပေးရာတွင် စစ်မှန်သောရွေးချယ်မှုကို ပြုနိုင်သည်ဟုမယူဆမီ အားနည်းချက်၏ဖြစ်နိုင်ခြေပမာဏကို တူးဖော်ရန်တာဝန်ရှိပါသည်။

တိုက်ခိုက်မှုခံရပြီး ချက်ချင်းလက်ငင်း မိနစ်၊ နာရီ၊ နေ့ရက်ပိုင်းလောက်တွင် တွေ့ဆုံမေးမြန်းခံနိုင်ခြေရှိသောသူတယောက်သည် လေးနက်သော သဘောတူညီချက်ကိုပေးရန် အနေအထားမရှိနိုင်ပါ။ အကယ်၍ ရှင်သန်ကျန်ရစ်သူများ၏ မည်သူမည်ဝါဖြစ်ခြင်းကို မဖော်ထုတ်နိုင်ရန် သင်ယုံကြည် သောနည်းလမ်းဖြင့်လုပ်ဆောင်ခဲ့ပါက၊ နောက်ခံအချက်အလက်များကိုအသုံးပြု၍ ဖြစ်ပျက်ခဲ့သည်များကို အစီအရင်ခံသောနည်းတနည်းရှိကောင်း ရှိပေမည်။ သို့သော် ထိုသို့သောအခြေအနေမျိုးရှိတစ်စုံတစ်ယောက်သည် ၎င်းတို့၏ အမည်မဖော်လိုခြင်းကိုစွန့်လွတ်မည် မစွန့်လွတ်မည်ကို ဆုံးဖြတ်ချက် ချရမည့်အနေအထားတွင်မရှိကြောင်း ရှင်းလင်းစွာသိပါ။ ၎င်းသည် တိုက်ခိုက်ခံရခြင်းမှ ဝေးကွာမှု ပိုလိုအပ်လိမ့်မည်။